У Расіі згарэў пабудаваны перасяленцамі з Гродзенскай губерні касцёл

34638_4

Касцёл 1908 года пабудовы згарэў у вёсцы Беласток Томскай вобласці Расіі ў ноч на 19 красавіка. Будынак згарэў цалкам. Магчымая прычына ўзгарання — падзенне слупа электраперадачы, які знайшлі побач з храмам.

Па словах кіраўніка Пудоўскага сельскага селішча Юрыя Севасцьянава, «гэта не падпал», перадае РІА Томск.

Згарэлы храм быў дзейсным, па нядзелях там цэлебраваліся Імшы.

Сяло Беласток вядзе сваю гісторыю з канца XIX — пачатку XX стагоддзя. Афіцыйнай датай заснавання лічыцца 1898 год, калі сасланыя ў Сібір жыхары Гродзенскай губерні заснавалі невялікае паселішча. У 1908 годзе тут быў пабудаваны касцёл.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі