Каталікі і копты дамовіліся аб узаемным прызнанні хросту

Папа
Апостальскі Нунцый у Беларусі арцыбіскуп Габар Пінтэр пракаментаваў 2 траўня сутнасць і значнасць дэкларацыі, падпісанай 28 красавіка ў Егіпце Папам Рымскім Францішкам і Патрыярхам Копцкай Царквы Тавадрасам II.

«У першую чаргу дакумент прадугледжвае ўзаемнае прызнанне сапраўднасці хросту кожнай з Цэркваў на афіцыйным узроўні. Раней, калі такой дамоўленасці не было, сітуацыя выглядала нявызначанай і магла ствараць цяжкасці ў тых рэгіёнах, дзе прадстаўнікі гэтых канфесій жывуць побач», – тлумачыць Апостальскі Нунцый, паведамляе catholic.by.

Цяпер у пацвярджэнні Копцкай Царквой хросту, удзеленага ў Каталіцкай Царкве, больш не будзе неабходнасці. З іншымі старажытнымі ўсходнімі Цэрквамі такія дамоўленасці падпісаныя ўжо раней.

«Гэты дакумент вельмі важны, бо канкрэтна прагаворвае практычны бок пытання хросту абедзвюх канфесій. Стагоддзямі пытанне не было вырашанае, таму – зроблены вельмі важны крок у будаванні далейшых стасункаў».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
02.05.2017 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты