Следчыя шукаюць пацярпелых ад дзеянняў «знахаркі» з Віцебска

целительница

У Віцебску Следчы камітэт расследуе крымінальную справу ў дачыненні да 37-гадовай «знахаркі», якая падманам і злоўжываннем даверам завалодала грашыма і залатымі вырабамі пацярпелай у памеры 1000 Еўра, 3750 даляраў, больш за 12000 рублёў.

33-гадовая жыхарка Віцебска ў кастрычніку 2014 года ў ліфце жылога дома прачытала аб’яву аб зняцці псуты і лячэнні ад хвароб. Праз некалькі сустрэч з аўтарам аб’явы жанчына спыніла зносіны з ёй. Але неўзабаве ёй патэлефанавала дачка «знахаркі» Рада з прапановай дапамагчы вылечыцца ад эпілепсіі. Рада запэўніла аб наяўнасці ў сябе такіх здольнасцяў і праводзіла розныя абрады па зняцці псуты, для якіх патрэбныя былі грошы, у тым ліку абрады «спальвання» грошай, паведамілі ў СК.

Таксама «лекарка» завалодала 14 найменнямі залатых вырабаў пацярпелай, каб нібыта іх пачысціць. Калі пацярпелая прайшла лячэнне ў бальніцы і папрасіла вярнуць ёй ўпрыгажэнні, Рада паведаміла, што пасля абраду выкінула завушніцы, ланцужкі, кулоны і кольцы ў раку.

Следчыя прад’явілі абвінавачанне 37-гадовай жанчыне па ч.4 арт.209 КК (махлярства, здзейсненае ў асабліва буйным памеры). Паколькі абвінавачаная схавалася ад следства і месцазнаходжанне яе было невядома, у ліпені 2016 года яе абвясцілі ў вышук. У красавіку 2017 года жанчыну затрымалі ў Мінску. Яна знаходзіцца пад вартай.

У матэрыялах крымінальнай справы ёсць звесткі аб трох падобных фактах махлярства ў 2015 годзе Рады Метнікоўскай у дачыненні да жыхароў Віцебска. Следчыя просяць грамадзян, якія ведаюць аб супрацьпраўнай дзейнасці абвінавачванай ці пацярпелі ад яе ашуканскіх дзеянняў, звярнуцца ў Віцебскі гараддзел СК па адрасе: Віцебск, праспект Маскоўскі, 51А ці па тэлефоне 8 (0212) 46-21-61.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
02.05.2017 Здарэнні| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты