Эксперт: паводле канонаў, Валянцін Цішко не з’яўляецца праваслаўным свяшчэннаслужыцелем

ˆ
ˆ

У беларускіх СМІ рэгулярна з’яўляецца інфармацыя пра іерадыякана Грэцкай Аўтакефальнай Праваслаўнай Царквы Валянціна Цішко, які часта выступае ў якасці эксперта па шэрагу грамадска-рэлігійных пытанняў. Пракаментаваць кананічны статус Валянціна Цішко карэспандэнт Krynica.info папрасіў прарэктара па навуковай рабоце Мінскіх духоўных акадэміі і семінарыі Аляксандра Слесарева.

«Валянцін Цішко прыняў пасвячэнне ад некананічнага «епіскапа» Уладзіміра Вільдэ. З пункту гледжання Праваслаўнай Царквы, абодва яны знаходзяцца па-за царкоўнай еднасці, што на мове праваслаўнага кананічнага права называецца знаходжаннем у расколе. Згодна з дзеючымі кананічнымі правіламі, Уладзімір Вільдэ і Валянцін Цішко не могуць прызнавацца ў якасці законных праваслаўных святароў, а здзяйсняныя імі богаслужбовыя дзеянні не могуць ацэньвацца як маючыя духоўную значнасць для праваслаўных хрысціян», – адзначыў суразмоўца.

Паводле яго, лінія пераемнасці пасвячэння Валянціна Цішко праз «епіскапа» Уладзіміра Вільдэ ўзыходзіць да некананічнай рэлігійнай супольнасці «Паўднёва-Расійская Аўтаномная Мітрапаліцкая акруга» (ПРАМА), існуючай па-за адзінства з Усяленскім Праваслаўем. «У 2013 годзе Уладзімір Вільдэ выйшаў са складу ПРАМА, пасля чаго намінальна далучыўся да нешматлікай некананічнай рэлігійнай арганізацыі «Аўтакефальная Грэцкая Праваслаўная Царква Амерыкі і Канады», якая таксама знаходзіцца па-за адзінства з Цэрквамі сусветнага праваслаўя», – падкрэсліў Аляксандр Слесараў.

Што тычыцца «Аўтакефальнай Грэцкай Праваслаўнай Царквы Амерыкі і Канады», то яна з’яўляецца адной з некалькіх некананічных рэлігійных арганізацый, якія ўзводзяць сваё паходжанне да т.зв. «Экзархату Александрыйскага Патрыярхату ў Амерыцы», які існаваў у 1934-1945 гады.

««Экзархат» ухіліўся ў раскол грэцкім святаром Хрыстафорам (Кантагеоргіясам), які прыняў пасвячэнне ў «епіскапа» ад іерархаў, якія таксама жылі па-за зносін з кананічнымі Праваслаўнымі Цэрквамі. У 1945 году Хрыстафор Кантагеоргіяс уз’яднаўся з Канстанцінопальскім Патрыярхатам, але пасвечаныя ім у перыяд знаходжання ў расколе некананічныя «епіскапы» працягнулі сваю рэлігійную дзейнасць у стане расколу. З іх пераемнікамі і ўсталявалі фармальныя зносіны Валянцін Цішко і Уладзімір Вільдэ», – дадаў прарэктар па навуковай рабоце Мінскіх духоўных акадэміі і семінарыі.

Фота stihi.ru

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
06.05.2017 Каментары і аналітыка| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты