Лукашэнка: Калі Гасподзь і Алах дасць

v-seredinu-novosti

Прэзідэнт Беларусі Аляксандр Лукашэнка 14 мая прыняў удзел у цырымоніі адкрыцця форуму «Адзін пояс і адзін шлях» у Пекіне, а таксама правёў перамовы з прэм’ер-міністрам Пакістана Навазам Шарыфам. Бакі абмяняліся думкамі аб стане беларуска-пакістанскага супрацоўніцтва і перспектывах яго развіцця.

«Дзякуй, што памятаеце нюансы і дэталі нашай сустрэчы ў Мінску. Калі Гасподзь і Алах дасць, мы з Вамі сустрэнемся ў пачатку жніўня зноў. Мы Вас чакаем», – сказаў прэзідэнт, паведамілі ў Адміністрацыі кіраўніка дзяржавы.

Кіраўнікі дзвюх краін сышліся ў меркаванні, што рэгулярны абмен візітамі на вышэйшым узроўні дазволіў краінам здзейсніць прарыў у двухбаковых адносінах. На сустрэчы абмяркоўвалася развіццё прамысловай кааперацыі, існуючыя праекты і перспектывы стварэння новых сумесных прадпрыемстваў у Пакістане. Яшчэ адной тэмай перамоваў сталі пастаўкі беларускіх прадуктаў на пакістанскі рынак.

15 траўня Аляксандр Лукашэнка выступіў на пасяджэнні круглага стала кіраўнікоў дзяржаў – удзельніц форуму міжнароднага супрацоўніцтва “Адзін пояс і адзін шлях”, а таксама правёў двухбаковую сустрэчу з прэзідэнтам Турцыі Рэджэпам Таіпам Эрдаганам.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі