Анджэй Пачобут: Імша, падчас якой адбыўся “інцыдэнт” з Борыс, павінная была быць па-польску

Борис
Актывіст польскага культурніцкага і грамадскага руху Гродзеншчыны журналіст Анджэй Пачобут, каментуючы інцыдэнт, пра які распавяла ў форме надрукаванага ліста вернікаў “Гродзенская праўда” і які стаўся нібыта сведчаннем агрэсіўнага стаўлення кіраўнічкі неафіцыйнага Саюзу палякаў Беларусі Анжалікі Борыс да выкарыстання беларускай мовы ў касцёле, настойвае, што інцыдэнт пададзены ў медыях цалкам аднабакова.

Нагадаем, 18 траўня ў дзяржаўнай “Гродзенскай праўдзе” быў апублікаваны зварот  вернікаў Гродзенскай дыяцэзіі да мітрапаліта Мінска-Магілёўскага Тадэвуша Кандрусевіча, у якім яны на падставе інцыдэнту ў Кемелішках ў студзені просяць іх абараніць ад Анжалікі Борыс. Між тым у неафіцыйным Саюзе палякаў на Беларусі лічаць, што публікацыя звароту ў СМІ ставіць на мэце дыскрэдытацыю “СПБ і ягонай старшыні у моўным пытанні у сувязі з барацьбой Анжалікі Борыс і СПБ за захаванне польскамоўнымі школамі ў Гродне і Ваўкавыску статусу польскамоўных”.

“Здарэнне адбылося 6 студзеня – на свята Трох каралёў падчас польскамоўнай Літургіі, чытанне і казанне на якой было па-беларуску. Гэта іх  вельмі не задаволіла. А людзям гэта даспадобы”, – патлумачыў душпастыр парафіі кс. Павел Гардзейчык.

 

«Ксёндз забыў толькі дадаць, што адмыслова старшыня СПБ прыехала на польскую Імшу, батлейка была ў выкананні дзяцей, якія вучацца польскай мове. Нягледзячы на тое, што Імша была пазначана як польская, ксендз вырашыў казанне казаць па-беларуску. Дзеці, пра якіх ён клапоціцца, нагадваю, вучацца польскай мове. Ксендз пра гэта усё ведаў. Увагі наконт смеха няхай будуць на ягоным сумленні. Але гэта усе на самой справе другаснае. Галоўнае, – што гэта было у студзені. Ні біскуп ні арцыбіскуп ніякага зварота не атрымоўвалі, а даведаліся пра яго з Інтэрнэта і «Гродзенскай праўды». Ліст ананімны, нікім не падпісаны», – падкрэслівае Анджэй Пачобут.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
20.05.2017 Грамадства| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты