Хлуслівая аргументацыя камуністаў

1512912_Articolo

Цікавая аргументацыя камуністаў, якую прыводзіць “Наша Ніва”, супраць сквера імя Эдварда Вайніловіча ў сувязі з яго нібыта “рэзка негатыўным стаўленнем да ідэі беларускай дзяржаўнасці, з яго грэбаваннем беларускай нацыянальнай культурай, імкненнем пазбавіць беларускі народ яго суверэннага права жыць самастойна”. Пры тым што так ці інакш фундатар Чырвонага касцёла Вайніловіч спрыяў развіццю беларускай культуры, гаспадаркі і выступаў у падтрымку розных формаў беларускай дзяржаўнасці.

Камуністычны імпэт бы ды на вуліцу імя Кнорына – сучасніка Вайніловіча, які заяўляў: “Мы лічым, што беларусы не з’яўляюцца нацыяй, і што тыя этнаграфічныя асаблівасці, якія іх аддзяляюць ад астатніх рускіх, павінны быць зжытыя”, на суседнія са скверам плошчу Мяснікова ці вуліцу Берсана, погляды герояў якіх былі блізкія да кнорынаўскіх.

Адсутнасць іх увагі да гэтай тапанімікі паказвае адно: галоўная прычына пратэсту – Вайніловіч быў ідэйным і палітычным ворагам камуністаў. І ўшанавання яго памяці ім вельмі не хочацца, тым больш у 100-ю гадавіну Кастрычніка.

Падтрымаць сквер Вайніловіча можна лістамі ў Менгарвыканкам альбо падпісацца тут.

Нагадаем, што Эдвард Вайніловіч (1847-1928) — беларускі палітык і грамадскі дзеяч. Старшыня Мінскага таварыства сельскай гаспадаркі, Краёвай партыі Літвы і Беларусі, дэпутат Дзяржаўнага савета Расійскай імперыі, мецэнат беларускага нацыянальнага руху і фундатар Чырвонага касцёла ў Мінску. Зараз у Каталіцкай Царквы ідзе працэс яго беатыфікацыі.

Максім Гацак

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
15.06.2017 Каментары і аналітыка| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты