Пад Кобрынам пабудавалі касцёл замест разбуранага ў СССР

Демьянко
У вёсцы Гарадок блізу Кобрына 8 ліпеня быў асвечаны новы касцёл – святыня парафіі Хрыста Добрага Пастыра.

Новы храм, узяўшы ўдзел ва ўмураванні вуглавога камяня, асвяціў біскуп Пінскі Антоній Дзям’янка, паведамляе catholic.by.

«Сёння мы дзякуем Пану Богу за дар новай святыні, пабудаванай дзякуючы старанням мясцовых вернікаў на чале з іх пробашчам кс. Чэславам Ёйкам FDP, а таксама дзякуючы салідарнай дапамозе Паўсюднага Касцёла», – прывітаў вернікаў біскуп Дзям’янка.

“Кожны касцёл, – нават вельмі бедны і сціплы, – з’яўляецца вялікай, бясконцай і невычэрпнай скарбніцай розных дароў і ласкаў. Гэтыя дары зыходзяць на нас — жыхароў вёсак, мястэчак, гарадоў, на нашыя сем’і і на кожнага з нас паасобку. Касцёл — дом Караля каралёў  і дом Пана Бога. У Касцёле мы атрымліваем святы хрост, які змывае першародны грэх і робіць нас хрысціянамі і спадкаемцамі нябеснага валадарства», – адзначыў біскуп.

Гісторыя каталіцкай парафіі ў гэтай мясцовасці налічвае больш за 500 гадоў. Папярэдняя парафіяльная святыня, пабудаваная ў 1633 годзе каралём Уладыславам IV, была разбурана ў часы атэізму.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі