Каталікі Піншчыны ўшанавалі памяць знішчаных ў концлагеры 18-і святароў

Колдычево
Каталікі Піншчыны 9 ліпеня маліліся аб вечным спачынедля 18-і каталіцкіх святароў Пінскай дыяцэзіі, што загінулі пакутніцкай смерцю ў ліпені 1942 года.

18 святароў былі арыштаваныя 13 ліпеня і змешчаныя ў Баранавіцкую турму, потым – у канцэнтрацыйны лагер смерці ў Калдычэве. У большасці яны былі выпускнікамі Пінскай духоўнай семінарыі.

“Пасля тых страшных падзеяў вернікі парафіяў Баранавіцкага рэгіёна на доўгія дзесяцігоддзі засталіся без душпастырскай апекі і сакрамэнтальнай паслугі, нібы авечкі без пастыра”, – нагадаў з трагічнай нагоды біскуп Пінскі Антоній Дзям’янка, паведамляе catholic.by.

“Заахвочваю ўсіх вас у сваіх парафіях памаліцца за загінуўшых душпастыраў. Калі ў вашай святыні яшчэ няма памятнага знаку, дзе да канца жыцця служыў той ці іншы святар-мучанік, які аддаў жыццё за сваю паству, належыць змясціць яго як напамін для нашчадкаў, захоўваючы адпаведныя нормы”, – звярнуўся да вернікаў біскуп Дзям’янка.

Іерарх маліўся аб закатаваных ў касцёле Найсвяцейшай Панны Марыі Ружанцовай у Гарадзішчы 13 ліпеня, дзе ўзначаліў святую Імшу аб пакліканнях да Божай службы.

Загінулыя – ксяндзы Альфонс Аляшчук, Лявон Буйноўскі, Юзаф Бартушак, Тадэвуш  Гжэсяк, Уладзіслаў Клімчак, Мечыслаў Кубік, Уладзіслаў-Зыгмунт Паўлоўскі, Баляслаў Руткоўскі, Вінцэнт Студзінскі, Францішак Улінскі, Уладзіслаў Вархаповіч, Тамаш Менцёр, Вітольд Івіцкі, Ян Язерскі, Юзаф Казлоўскі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.07.2017 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты