У Мінску адкрылася выстава пра 500-годдзе Рэфармацыі і беларускага кнігадрукавання

vystava

17 ліпеня ў Мінску ў мастацкай галерэі «Універсітэт культуры» у Палацы Рэспублікі адбылося адкрыццё выставы, прысвечанай 500-годдзю Рэфармацыі і беларускага кнігадрукавання.

У 1517 годзе Францыск Скарына надрукаваў першыя беларускія кнігі і тым самым паклаў пачатак беларускаму кнігадрукавання, а Марцін Лютар размясціў свае 95 Тэзісаў на дзвярах Замкавага касцёла ў нямецкім Вітэнбэргу і тым самым паклаў пачатак Рэфармацыі.

Выстава распавядае не толькі пра жыццёвы шлях Марціна Лютэра — тэолага, пісьменніка, заснавальніка лютэранскай (пратэстанцкай) царквы, чалавека, які пераклаў Біблію з лацінскай мовы на нямецкую, але і пра эпоху, у якую ён жыў, а таксама пра гісторыю Рэфармацыі ў цэлым. Свае творы, прысвечаныя беларускаму асветніку, прадстаўляе Ала Губарэвіч, якая працуе ў тэхніцы габелена.

Выстава арганізавана пасольствам Нямеччыны ў Беларусі, грамадскім аб’яднаннем нямецкай культуры «Масты», Рэспубліканскім цэнтрам нацыянальных культур, Беларускім дзяржаўным універсітэтам культуры і мастацтваў.

Выстава адкрыта да 25 ліпеня з 11:00 — 19:00.

Фота Mikalai Malaščonak

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
18.07.2017 Абвесткі, Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты