У Баранавічах прайшлі рэкалекцыі аб месцы Бога ў сям’і

Барановичи
У Баранавічах з 4 па 6 жніўня праходзілі летнія рэкалекцыі для каталіцкіх сем’яў “Equipes Notre Dame” на тэму «Тобій і Сара», распрацаваныя ініцыятыўнай групай на глебе біблейскай Кнігі Тобія.

Цягам трох дзён сужонкі – 21 сям’я – спасцігалі сэнс і прынцыпы сапраўднага хрысціянскага сямейнага жыцця, неабходнасць Божай прыстунасці ў сем’ях, паведамляе catholic.by.

Галоўнымі аніматарамі выступілі сужонкі Алены і Валерый Шымаковы, якія праводзілі заняткі для дзяцей і падлеткаў, даючы магчымасць сямейным парам засяродзіцца на матэрыялах і практычных занятках.

Рэкалекцыі ўключылі ў сябе невялікія тэатральныя імпрэзы, выступы святароў і вядучых пар, практычныя заданні для сужонкаў, сумесныя спевы і танцы, аднаўленне сужэнскіх абяцанняў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі