У Добрушы пры ўдзеле епіскапа Гомельскага правялі «Спасаўскі кірмаш»

Стефан

У Добрушы на базе адпачынку «Востраў» 12 жніўня адбыўся славянскі культурны фестываль «Спасаўскі кірмаш», які пачаўся праездам па горадзе перасоўнай званіцы.

Галоўным госцем форуму стаў праваслаўны епіскап Гомельскі і Жлобінскі Стэфан, паведамляе eparhiya.by.

На «Востраў» прайшло шэсце з пладамі новага ўраджаю, мёдам і караваямі. Удзел у шэсці прынялі творчыя калектывы раёна. Епіскап Стэфан акрапіў тых, хто прыйшоў на свята, асвячонай вадой, пасля чаго святкаванне працягнулася на тэматычных падворках, дзе свае вырабы прадстаўлялі майстры народных промыслаў, пчаляры, прадстаўнікі манастыроў з выставай-продажам абразоў і царкоўных прыладаў.

Протаіерэй Аляксандр Лапушанскі прадставіў выставу «У цярплівасьці – выратаванне», прысвечаную святым падзьвіжнікам Гомельшчыны.

Спецыяльна для фэсту пры падтрымцы Добрушскага райвыканкама маладзёжная група благачыння стварыла буклеты аб маючых адбыцца царкоўных святах жніўня.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі