Мітрапаліт Кандрусевіч у Мюнхене: Сучасны чалавек аслеплены самадастатковасцю

Кондрусевич
Мітрапаліт Мінска-Магілёўскі арцыбіскуп Тадэвуш Кандрусевіч, які бярэ ўдзел у 21-м Міжнародным кангрэсе дабрачыннай арганізацыі “Renovabis” на тэму «Крызіс як шанец для Еўропы. Адказнасць Цэркваў» у нямецкім Мюнхене, узначаліў 7 верасня святую Імшу для ўдзельнікаў сустрэчы ў касцёле святога Людвіка.

Удзел у Кангрэсе бяруць больш за 200 чалавек з 28-і краінаў, мітрапаліт Кандрусевіч узначальвае беларускую дэлегацыю, паведамляе catholic.by.

Імша цэлебравалася на нямецкай мове, арцыбіскуп Кандрусевіч прамовіў гамілію па-англійску.

«Каб пераадолець крызіс, Еўропе трэба вярнуцца да хрысціянскіх каранёў. Аслеплены самадастатковасцю, сучасны чалавек узурпіруе права вырашаць, что Божы закон больш не з’яўляецца актуальным. Захоплены ілюзорным шчасцем, якое праходзіць, як туман, ён трапляе ў стан дэпрэсіі і бессэнсоўнасці жыцця і не ведае, як з яго выйсці. Зло ўсё больш распаўсюджваецца ў свеце, і Касцёл атакуецца за абвяшчэнне нязменных прынцыпаў Евангелля. Такім з’яўляецца свет, які мы творым і ў якім мы жывём», – падкрэсліў у гаміліі мітрапаліт Кандрусевіч.

Па словах арцыбіскупа Кандрусевіча, у гэтых абставінах «першаснай задачай Касцёла з’яўляецца абудзіць Еўропу з духоўнай летаргіі і дапамагчы перамагчы яе духоўную хваробу, накіроўваючы да духоўнага лекара, якім ёсць Езус Хрыстус».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
08.09.2017 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты