Капыльскі райаддзел адукацыі больш не лічыць шматдзетныя сем’і і сем’і вернікаў праблемнымі

Дети

Метадычны дапаможнік, які быў размешчаны на сайце Капыльскага райаддзела адукацыі і ў якім шматдзетныя сем’і і сем’і вернікаў не лічыліся бяспечнымі, не быў выдалены з сайта па памылцы.

“Гэта дапаможнік для сацыяльных педагогаў распрацавалі спецыялісты, якія працавалі ў 2013 годзе. На сайт ён патрапіў па памылцы, мы яго ўжо прыбралі. На сёння наш аддзел адукацыі не лічыць праблемнымі ні шматдзетныя сем’і, ні сям’і вернікаў”, – адзначыў намеснік начальніка аддзела адукацыі Капыльскага райвыканкама Аляксандр Дубіна, перадае «Еўрарадыё».

«Рэкамендацыі, пра якія ідзе гаворка, былі распрацаваны яшчэ для 2012/2013 навучальнага года людзьмі, якія сёння ў нас не працуюць. Чаму іх звольнілі? Відаць, былі некампетэнтнымі спецыялістамі. А новы супрацоўнік не паспела пазнаёміцца ​​з тым, што апублікавалі на сайце да яе. Запэўніваем вас: мы не лічым, што сем’і з бацькамі-вернікамі або з інваліднасцю з’яўляюцца небяспечнымі, гэтая інфармацыя не адпавядае рэчаіснасці, таму мы аператыўна выдалілі гэтую метадычку», – заявіў ён у інтэрв’ю «Нашай Ніве».

У інтэрв’ю «Комсомольской правде в Белоруссии» Аляксандр Дубіна распавёў, што супрацоўнікі, якія размясцілі метадычку, былі звольненыя паўгады таму.

У Мінадукацыі Еўрарадыё запэўнілі, што такіх дакументаў не распрацоўвалі і не бачылі.

a571b-clip-75kb

Між тым карэспандэнты Krynica.info выявілі ў электроннай бібліятэцы Беларускага дзяржаўнага педагагічнага ўніверсітэта датаваны 2016 годам дакумент аўтарства супрацоўніцы кафедры сацыяльнай работы БДПУ Любові Радаман (Баслык) «Катэгорыі дзяцей і сем’яў, якія маюць патрэбу ў сацыяльна-псіхолага-педагагічнай падтрымцы», які, прынамсі, на першы погляд ідэнтычны метадычнаму дапаможніку з сайта Капыльскага райаддзела адукацыі, у тым ліку адносна шматдзетных сем’яў і сем’яў вернікаў.

Які з гэтых дакументаў першасны, невядома.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі