У Мінску масава хрысцілі вернікаў Армянскай Апостальскай Царквы

03D9570F-E008-469D-8507-0D7385B1EFD4_w1023_s

10 верасня ў Менску хрысцілі вернікаў Армянскай Апостальскай Царквы. Паводле перапісу 2009 году, у Беларусі пражывае 8512 армянаў. Дыяспара згуртаваная, мае культурна-асветніцкія аб’яднанні і ўласныя выданні. Большасць армян Беларусі належыць да асобнай Армянскай Апостальскай Царквы. У Беларусі зарэгістраваная адзіная армянская парафія, але храму яна не мае.

Таму вернікі Царквы з Беларусі ездзяць у іншыя краіны, каб наведаць храм. А ў Беларусь прыязджаюць запрошаныя святары, каб чыніць абрады і таямніцы, паведамляе Радыё Свабода.

10 верасня святар ААЦ Эдгар Аміран Тэр Сэпух ахрысціў у Мінску больш за два дзясяткі чалавек: як этнічных армянаў, так і тых, хто ў шлюбе з імі. На цырымоніі прысутнічаў амбасадар Арменіі ў Беларусі Алег Есаян. Паколькі набажэнствы ў Армянскай Царкве адбываюцца на старажытнаармянскай мове, таму святар шмат што тлумачыў прысутным на сучаснай армянскай.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі