Каталіцкія, праваслаўныя, стараверскія і ўніяцкія страдрукі Беларусі прадставяць у Мінску

muzej

Выданні друкарняў Беларусі XVI – першай паловы XIX стагоддзя прадставіць выстава да 500-годдзя беларускага кнігадрукавання ў Нацыянальным мастацкім музеі. Выстава адкрыецца 20 верасня і будзе доўжыцца да 19 кастрычніка.

Наведвальнікі выставы атрымаюць магчымасць убачыць Евангелле 1600 года з віленскай друкарні братоў Мамонічаў. Да юбілею беларускага кнігадрукавання музейны асобнік рэстаўраваны, перадае БелТА.

Даволі рэдкім з’яўляецца прадстаўленае на выстаўцы выданне “Акафисты всеседмичные”, надрукаванае ў 1698 годзе Максімам Вашчанкам у магілёўскай брацкай друкарні.

Прадукцыю Віленскага Траецкага манастыра – уяўляе прызначаны для старавераў Каноннік 1794 году, у афармленні якога прасочваецца выкарыстанне традыцыйных графічных элементаў маскоўскіх даніканаўскіх кніг.

Выдавецкую дзейнасць друкарні Супрасльскага манастыра ўяўляе Evangelia in Festis (Евангелле на святы), надрукаванае на лацінскай мове ў 1765 годзе.

На выставе экспануецца таксама адно з выданняў друкарні полацкіх піяраў – Missale Romanum (каталіцкая кніга для набажэнстваў, якая змяшчае паслядоўнасць Імшы з спадарожнымі тэкстамі) 1826 года.

Прадукцыю віленскай дыяцэзіяльнай друкарні, функцыянаваць у 1775-1842 гадах, прадстаўляе “Сакральная герменеўтыка”.

Некаторыя кнігі маюць мастацкія аправы. Сярод іх вылучаецца аклад XVII-XVIII стагоддзя Евангелля з Мікалаеўскай царквы гарадскога пасёлка Урэчча Мінскай вобласці. Пры яго стварэнні былі выкарыстаны ліццё, чаканка, гравіроўка, чэрнь, частковае залачэнне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
15.09.2017 Абвесткі, Грамадства| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты