У Жодзіне адбыўся форум каталіцкіх сем’яў

Кондрусевич
У Жодзіне ў дыяцэзіяльным санктуарыі Маці Божай Фацімскай 16 верасня адбылася ХІ Нацыянальная пілігрымка сем’яў пад дэвізам «Фаціма – заклік да асвячэння сем’яў».

У санктуарыі сабраліся сем’і з розных куткоў Беларусі, каб дзякаваць Богу за атрыманыя ласкі і прасіць далейшага заступніцтва Найсвяцейшай Панны Марыі. Святую Імшу для пілігрымаў узначаліў мітрапаліт Мінска-Магілёўскі арцыбіскуп Тадэвуш Кандрусевіч, паведамляе catholic.by.

На пачатку сустрэчы кусташ санктуарыя а. Міхаіл Цвячкоўскі MIC прадставіў гісторыю фацімскіх аб’яўленняў, звяртаючы ўвагу на іх малітоўную частку і нязменную актуальнасць фацімскага паслання для сучаснага грамадства.

Арцыбіскуп Тадэвуш Кандрусевіч прысвяціў сваю гамілію тэме евангелізацыі ў сям’і і праз сям’ю. Разважаючы пра новую евангелізацыю, мітрапаліт падкрэсліў, што яна актуальная “не толькі ў заходнім свеце, які ўсё больш дэмаралізуецца, забываецца пра Бога і адыходзіць ад веры, але і ў Беларусі, якая, як сведчыць штодзённае жыццё, таксама вельмі моцна паддаецца ўплывам секулярызму, зерне якога падае на падатлівую, падрыхтаваную ў часы ваяўнічага атэізму глебу”.

“Сапраўдная хрысціянская сям’я павінная быць евангельскай закваскай у грамадстве”, – рэзюміраваў арцыбіскуп Кандрусевіч.

Падчас святой Імшы адбылося аднаўленне сужэнскай прысягі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі