У Мінску каталікі, мусульмане, праваслаўныя і юдэі разам маліліся аб міры

мир
У Мінску 19 верасня ля стэлы «Мінск – горад-герой» падчас святочнага мітынга з нагоды Міжнароднага дня міру, што прайшоў пад дэвізам «Разам на карысць міру», адбылася супольная малітва аб міры, якую ўзначалілі мітрапаліт Мінска-Магілёўскі арцыбіскуп Тадэвуш Кандрусевіч, мітрапаліт Мінскі і Заслаўскі Павел, Патрыяршы Экзарх усяе Беларусі, муфтый Мусульманскага рэлігійнага аб’яднання ў Беларусі Абу-Бекір Шабановіч.

Удзел у малітве ўзялі таксама прадстаўнікі Рэлігійнага аб’яднання абшчын прагрэсіўнага іўдаізму ў Беларусі, паведамляе catholic.by.

«Стары Запавет шмат увагі прысвячае справе захавання міру як адной з найбольш актуальных. Падчас Нараджэння Езуса анёльскія хоры спявалі: “Хвала на вышынях Богу, а на зямлі супакой людзям добрай волі”. Гэтыя словы падкрэсліваюць, што галоўнай місіяй Езуса было ўстанаўленне міру як у сэрцах людзей, так і ў навакольным свеце», – нагадаў у сваё прамове мітрапаліт Кандрусевіч.

Адначасова мітрапаліт Кандрусевіч падкрэсліў, што “нават дзейнасць арганізацыяў, якія змагаюцца за мір, не ў стане гарантаваць поўны мір, бо ўжо ідзе новая сусветная вайна ў фрагментарнай форме, сведчаннем чаму з’яўляюцца шматлікія ваенныя канфлікты ў розных частках свету і шматлікія тэрарыстычныя акты. Нездарма Езус кажа, што без Яго нічога не ўдасца зрабіць».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
19.09.2017 Грамадства| Тэгі: , , , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты