У Маскве адбылася канферэнцыя лютэран, прымеркаваная 500-годдзю Рэфармацыі

3

З 22 па 24 верасня ў саборы св. Пятра і Паўла ў Маскве праходзіла моладзевая канферэнцыя на тэму «Рэфармацыя: учора, сёння, заўтра», прымеркаваная да 500-годдзя Рэфармацыі. У мерапрыемстве прынялі ўдзел маладыя людзі з лютэранскіх абшчын Гродна і Віцебска, паведамляецца на сайце гарадзенскай царквы.

Усяго ў канферэнцыі прынялі ўдзел больш за 60 чалавек – прадстаўнікоў лютэранскіх абшчын з Расіі, Беларусі, Казахстана, Кыргызстана, Грузіі і Славакіі.

Асноўнымі мэтамі канферэнцыі з’яўляліся сумеснае вывучэнне гісторыі Рэфармацыі, абмеркаванне гістарычных і тэалагічных нюансаў гэтага шырокага працэсу.

1

У першы дзень канферэнцыі спікерамі абмяркоўвалася тэма пра базу жыцця хрысціяніна, а менавіта пра тое, на якой падставе кожны чалавек будуе сваё жыццё і чаму лад жыцця, у падмурак якой людзі ставяць Бога, абсалютна не страціў сваёй актуальнасці. На наступны дзень  разбіралі пытанні сучаснасці. Абмяркоўвалі тое, як Рэфармацыя, як духоўнае пераўтварэнне закранае кожнага з нас. Удзельнікі падзяліліся адзін з адным сваім бачаннем на гэты конт, пасля чаго ў капэле побач з саборам іх чакаў спектакль, падрыхтаваны лютэранскай абшчынай Смаленска. Спектакль пад назвай «Марцін Лютар» быў прысвечаны тэме сямейных каштоўнасцяў у жыцці хрысціяніна.

2

У ходзе завяршальнага трэцяга дня канферэнцыі ўдзельнікі разам з вернікамі абшчыны кафедральнага сабора прынялі ўдзел у нядзельным набажэнстве, на якім яны выканалі гімн канферэнцыі («Бог заклікаў нас з розных народаў»). Таксама ў другой палове дня  адбылося і адзінае маладзёжнае міжканфесіянальная набажэнства, у якім разам з удзельнікамі канферэнцыі прынялі ўдзел прадстаўнікі іншых пратэстанцкіх плыняў Масквы.

 

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
03.10.2017 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты