Кіраўнікі дзяржаў СНД заявілі аб падтрымцы сям’і

59de1283f06e2

11 кастрычніка ў Сочы (Расія) прайшло чарговае пасяджэнне Савета кіраўнікоў дзяржаў Садружнасці Незалежных Дзяржаў (СНД). Прэзідэнты падпісалі шэраг дакументаў, накіраваных на пашырэнне і паглыбленне супрацоўніцтва ў розных сферах дзейнасці СНД.

У прыватнасці, яны прынялі Заяву аб падтрымцы інстытуту сям’і і традыцыйных сямейных каштоўнасцяў. Расеі як дзяржаве, якая старшынюе ў Садружнасці, даручана распаўсюдзіць тэкст Заявы ў ААН, АБСЕ і іншых міжнародных арганізацыях, паведамілі ў Выканкаме СНД.

У дакуменце падкрэсліваецца важнасць выпрацоўкі эфектыўных арганізацыйна-прававых, эканамічных і інфармацыйна-асветніцкіх мер, накіраваных на фарміраванне спрыяльных умоў для стварэння сям’і, аховы здароўя маці і дзіцяці, развіцця інстытута ўсынаўлення, падтрымкі маладых бацькоў, клопату пра старэйшыя пакаленні.

Акрамя таго, у заяве ідзе гаворка пра неабходнасць узаемадзеяння ў вырашэнні праблем, звязаных з гвалтам у сям’і, парушэннем правоў дзіцяці, а таксама па пытаннях прафілактыкі, прадухілення і расследавання злачынстваў у адносінах да дзяцей, зніжэння дзіцячай смяротнасці, павышэння ўзроўню культуры выхавання.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
12.10.2017 У свеце| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты