Епіскап Веніямін арганізаваў маштабную сустрэчу з жонкамі святароў

матушки
У Барысаве 15 кастрычніка, з нагоды праваслаўнага свята Пакрову і свецкага Дня маці, епіскап Барысаўскі і Мар’інагорскі Веніямін сустрэўся з матухнамі – жонкамі клерыкаў.

Такая сустрэча была зладжаная ў Барысаўскай епархіі ўпершыню і прайшла ў жаночым манастыры святой блажэннай Ксеніі Пецярбургскай у вёсцы Барань, паведамляе borisoveparhia.by.

Больш за 50-і матухнаў рознага ўзросту прыехалі ў манастыр для жывой гутаркі з уладыкам Веніямінам. Вырашана было зрабіць такія сустрэчы традыцыйнымі і назваць іх «Пакроўскія Сустрэчы».

Епіскап Веніямін здзейсніў памінальную літыю ля магілы нядаўна забітай першай ігуменні манастыра Васілісы (Мядзведзь). Пасля ў галоўным храме манастыра было адслужанае набажэнства Божай Маці.

Пасля выконваючая абавязкі ігуменні манастыра інакіня Іна запрасіла ўсіх у манастырскую трапезную на чаяванне і пачастунак.

Матухны мелі магчымасць задаць уладыку цікавячыя іх пытанні, падзяліцца сваімі радасцямі і перажываннямі. Тым жонкам святароў, у якіх у гэтым годзе нарадзіліся дзеці, уладыка Веніямін ўручыў падарункі – грошы. Кожная матухна атрымала з рук уладыкі ружу і сувенір.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
18.10.2017 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты