На выбарых у Чэхіі і Японіі перамаглі правыя партыі

kriterier

На парламенцкіх выбарах у Чэхіі 20-21 кастрычніка і ў Японіі 22 кастрычніка перамогу святкавалі прадстаўнікі правых партый.

У Чэхіі ў парламент прайшло 9 партый, найбольш галасоў з іх атрымала ліберальна-папулісцкая партыя “АНО 2011” (уваходзіць у Альянс лібералаў і дэмакратаў за Еўропу) – 29,6% (на 11% больш, чым на мінулых выбарах). Другое месца ў Грамадзянскай дэмакратычнай партыі (Альянс кансерватараў і рэфармістаў Еўропы) – 11,3% (+3,6%), трэцяе ў Чэшскай пірацкай партый – 10,8% (+8,1%).

Ультраправая “Свабода і прамая дэмакратыя” (Рух за Еўропу нацыяй і свабоду) набрала 10,6% галасоў, Камуністычная партыя Багеміі і Маравіі (Еўрапейскія аб’яднаныя левыя/Лева-зялёныя паўночных краін) – 7,8% (на 7,2% менш), Чэшская сацыял-дэмакратычная партыя (Партыя еўрапейскіх сацыялістаў) – 7,3% (-13,1%).

Партыі, якія ўваходзяць у Еўрапейскую народную партыю, атрымалі адпаведна: Хрысціянскі і дэмакратычны саюз – Чэхаславацкая народная партыя – 5,8% (-1%), ТОП 09 – 5,3% (-6,7%),  “Бургамістры і незалежныя” – 5,2% (новая партыя).

У суме левыя парламенцкія партыі (камуністы і сацыял-дэмакраты) набралі 20,3% галасоў (па выніках выбараў 2013 года было 35,37%), правыя (лібералы, хадэкі, кансерватары, ультраправыя) – 67,8% (было 52,06%).

Таксама перамаглі права-кансерватыўныя сілы на выбарах у Японіі. Тут кіруючая кааліцыя ў складзе нацыянал-кансерватыўнай Ліберальна-дэмакратычнай партыі і кансерватыўна-будысцкай партыі атрымала 225 дэпутацкіх месцаў з 289.

У ліберальнай кааліцыі “Партыі надзеі” і “Ніпон Ішын но Кай” у суме 20 месцаў, у кааліцыі Канстытуцыйна-дэмакратычнай, Японскай камуністычнай і Сацыял-дэмакратычнай партый – 19.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
23.10.2017 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты