У віцебскім Доме састарэлых асвяцілі каталіцкую капліцу

Буткевич
Каталіцкі біскуп Віцебскі Алег Буткевіч 19 кастрычніка асвяціў капліцу ў Доме састарэлых у Віцебску.

Удзел ва ўрачыстасці таксама ўзялі канцлер Віцебскай дыяцэзіі кс. Віктар Місевіч, пробашч парафіі святога Антонія кс. Вячаслаў Барок, а таксама вікарый гэтай парафіі кс. Аляксей Ляшко, які апякуецца капліцай, паведамляе catholicnews.by.

За набажэнстам маліліся манахіні, якія нясуць служэнне ў парафіі і апякуюцца састарэлымі, супрацоўнікі сацыяльнай установы, валанцёры і самі насельнік.

Вітаючы прыстуных напачатку святой Імшы, кс. Аляксей Ляшко падзякаваў кіраўніцтву Дома-інтэрната для састарэлых і інвалідаў за магчымасць адкрыць тут каталіцкую капліцу: “Мы жывём у свецкай дзяржаве, і вось у дзяржаўнай установе, у Доме састарэлых з’явілася магчымасць адкрыць каталіцкую капліцу святога Яна Божага. Тут зараз пражывае каля шасцісот чалавек, з якіх католікаў чалавек пятнаццаць-дваццаць”.

“Без веры няма сэнсу чалавечага цярпення. А з Езусам нават смерць не з’яўляецца страшнай. Гэта брама, пераход у іншы свет”, – дадаў біскуп Віцебскі, перш чым асвяціць алтар і сцены капліцы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
23.10.2017 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты