Мітрапаліт Кандрусевіч: Ружанец з’яўляецца нашай духоўнай зброяй

Могилев
У Магілёве ў катэдральным касцёле Унебаўзяцця Найсвяцейшай Панны Марыі і святога Станіслава 21 кастрычніка адбыўся Ружанцовы кангрэс.

Арганізатарамі Кангрэса выступілі айцы дамінікане з Магілёва. Да ўдзелу былі запрошаны святары, кансэкраваныя асобы, прадстаўнікі групаў «Жывога Ружанца» з усіх дыяцэзіяў, а таксама ўсе, хто пажадаў «нанова запалаць апостальскай руплівасцю і стаць евангелізатарамі — найперш праз уласнае навяртанне і малітву, а таксама праз заахвочванне іншых да гэтай незвычайнай малітвы», паведамляе catholic.by.

З дакладам «Развіццё ружанцовай малітвы і актуальнасць вучэння папы Льва XIII у яго дванаццаці ружанцовых энцыкліках» выступіў а. доктар Анджэй Белят ОР, з дакладам «Важныя аспекты апостальскага ліста Яна Паўла ІІ Rosarium Virginis Mariae у перспектыве пяці ўмоваў малітвы на Ружанцы» – а. Раман Шульц ОР, з дакладам «Ружанцовая малітва і справы Міласэрнасці ў жыцці благаслаўлёнага Барталамея Лонга, дамініканскага тэрцыярыя»  – сястра Юлія Шэдзько Ops, з  дакладам «Значэнне і неабходнасць ружанцовай малітвы, паказаныя ў фацімскіх аб’яўленнях» – сястра Марыя Емяльянчык ОР.

Кангрэс завяршыўся святой Імшой, якую ўзначаліў арцыбіскуп Тадэвуш Кандрусевіч, Мітрапаліт Мінска-Магілёўскі.

«Ружанец з’яўляецца нашай духоўнай зброяй. Марыя, як Каралева неба і зямлі, камандуе легіёнамі анёлаў і святых і таксама дапамагае нам, грэшнікам. Яе апека з’яўляецца вельмі моцнай. Таму Ружанец – гэта значна больш, чым толькі рэха біблійных гісторый. Гэта наша сіла», – падкрэсліў мітрапаліт Кандрусевіч.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
24.10.2017 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты