Біскуп Дзям’янка: Няхай вашы сябры бачаць ружанец у вашай руцэ

Брест
У Брэсце ў касцёле Узвышэння Святога Крыжа 28 кастрычніка адбылася  сустрэча моладзі Пінскай дыяцэзіі пад тэматычным дэвізам «Маральна-этычныя каштоўнасці сучаснага католіка».

Тэмай дыскусіяў і канферэнцыяў сталі мэты, цяжкасці і выпрабаванні сучасных маладых каталікоў, якім кс. Дзмітрый Дубовік прапанаваў выпрацаваць “алгарытм напаўнення свайго сэрца любоўю да Бога”, паведамляе catholic.by.

Удзельнікі сустрэчы сталі сведкамі шлюбу ў касцёле, пасля чаго, разважаючы аб сутнасці шлюбу, святар падкрэсліў, што “мужчына і жанчына да алтара ідуць паасобку, а, атрымаўшы сакрамэнт, становяцца адным цэлым ажно да смерці”. Таксама святар заклікаў да барацьбы з брудам, абыякавасцю і грахом, якія сталі нормай сярод моладзі.

Для моладзі быў арганізаваны «сюрпрыз» – завітаў мастак-карыкатурыст. Кожны з удзельнікаў змог атрымаць на памяць аб сустрэчы свой смешны партрэт.

Увечары адбылася святая Імша для моладзі, якую ўзначаліў біскуп Пінскі Антоній Дзям’янка. «Хачу заахвоціць вас не выпускаць з рук ружанец. Няхай ён будзе для вас крыніцай сілы, на якую ўказвае Марыя. Навучыце ружанцовай малітве сваіх сяброў. Няхай яны бачаць ружанец у вашай руцэ. Гэта прыгожы, пераканаўчы прыклад, сведчанне, якое застаецца на ўсё жыццё і з’яўляецца дзейсным пераказам веры», – падкрэсліў біскуп.

Напрыканцы сустрэчы адбыўся канцэрт хрысціянскага моладзевага гурта “OPEN” з Гродна.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
30.10.2017 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты