У Брэсце ўсталёўваюць помнік Бібліі

Брест
У Брэсце на перакрыжаванні вуліц Кірава і Пушкінскай вядуцца падрыхтоўчыя работы да ўсталявання помніка Бібліі.

Узвядзенне помніка прымеркаванае да 500-годдзя айчыннага кнігадрукавання і выдання Бібліі Францішкам Скарынам, паведамляе virtualbrest.by.

У план работаў уваходзіць добраўпарадкаванне прылеглай тэрыторыі, насціл ходнікаў. На сцяне бібліятэкі, ля якой будзе ўсталяваны помнік, плануецца графіці на тэму кнігадрукавання.

Работы плануецца завяршыць да канца лістапада.

Эскізны праект помніка Брэсцкай Бібліі абраў абласны мастацка-экспертны савет па манументальным i манументальна-дэкаратыўным мастацтве. Ад аўтараў паступіла 10 эскізных варыянтаў, розных па форме і змесце. Большасцю галасоў чальцоў экспертнага савета выбраны праект мінчука Антона Нічыпарука. Ён прапанаваў усталяваць помнік у выглядзе стылізаванай раскрытай кнігі з адбіткам ілюстрацый і датай выдання Брэсцкай Бібліі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі