На Гарадзеншчыне асвяцілі крыж з нагоды I Сінода каталіцкай дыяцэзіі

Довнары
Каталікі вёскі Даўнары блізу Гродна сабраліся 19 лістапада ля капліцы Маці Божую Вострабрамскую на асвячэнне крыжа, усталяванага ў гонар I Сінода каталіцкай дыяцэзіі, які распачаўся 16 лістапада.

Пробашч парафіі кс. Анджэй Бурак падчас святой Імшы разважаў аб постаці Маці Божай Міласэрнасці: “Калі гаворым пра Маці Божую Міласэрнасці, то, напэўна, кожны адразу духоўна яднаецца са сталіцай Божай Міласэрнасці, з Вільняй. Бо менавіта там знаходзіцца арыгінальны абраз Маці Божай Вострабрамскай, а таксама там быў намаляваны абраз Езуса Міласэрнага. Гаварыць пра Маці Божую можна бясконца. І напэўна кожны з нас атрымаў шмат патрэбных Божых ласкаў праз яе заступніцтва”, паведамляе catholicnews.by.

“Вельмі часта чалавек патрэбны камусьці толькі тады, калі можа прынесці нейкую карысць альбо калі займае пэўную пасаду. А калі ён застаецца без працы, без матэрыяльнага дастатку, то ўсе ад яго адварочваюцца, але толькі не Маці Божая”, – нагадаў святар.

Пасля ўрачыстай святой Імшы быў асвечаны крыж, ля якога вернікі памаліліся ў інтэнцыі Сінода і яго плённай працы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
21.11.2017 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты