Ірак і Расія абвясцілі пра перамогу над “Ісламскай дзяржавай”

_99135437_043072258-1

Улады Ірака абвясцілі аб заканчэнні вайны з баевікамі экстрэмісцкай групоўкі “Ісламская дзяржава”, якія каля трох гадоў утрымлівалі значныя тэрыторыі ў Іраку і Сірыі. Як заявіў на прэс-канферэнцыі ў Багдадзе прэм’ер-міністр Ірака Хайдэр Абадзі, зараз іракскія войскі цалкам кантралююць мяжу з Сірыяй.

Некалькі раёнаў прымежнай вобласці да апошняга часу знаходзіліся пад кантролем ІД, а апошні горад з іракскага боку Рава быў вызвалены ў лістападзе, перадае BBC.

Двума днямі раней расійскі генштаб заявіў, што ІД больш не кантралюе ніякіх зон у Сірыі. А ў лістападзе сірыйскія ваенныя заявілі, што цалкам вызвалілі памежны горад Альбу-Камаль на ўсходзе краіны, які быў апошнім апорным пунктам ІД у Сірыі.

Экстрэмісцкая групоўка захапіла шырокія раёны ў Іраку і Сірыі ў 2014 годзе, абвясціўшы аб стварэнні на іх “халіфата”. На захопленых тэрыторыях пражывала больш за 10 млн чалавек, многія рэлігійныя меншасці (перш за ўсё, хрысціяне і езіды) сталі ахвярамі арганізаванага ісламістамі генацыду. Многія помнікі старажытнасці былі знішчаны.

За апошнія два гады ІД пацярпела серыю паражэнняў, страціўшы раней захоплены ірацкі горад Масул, а таксама абвешчаны сталіцай “халіфата” сірыйскі горад Раку.

Некаторыя баевікі, як лічыцца, маглі схавацца ў Сірыі, іншыя – уцячы праз турэцкую мяжу. Пры гэтым эксперты не выключаюць працягу ісламістамі партызанскай барацьбы, якая будзе ўключаць у тым ліку і тэрарыстычныя атакі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
09.12.2017 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты