У Швецыі невядомыя ў масках спрабавалі падпаліць сінагогу

41731291_303

Шведская паліцыя затрымала трох падлеткаў, падазраваных у спробе падпалу сінагогі ў Гётэборгу. Пракуратура настойвае на змяшчэнні ўсіх траіх ў следчы ізалятар. Прэс-сакратар паліцыі Гётэборгу Ула Бром паведаміла аб пачатку расследавання, устрымаўшыся ад дэталяў, у тым ліку аб меркаваных матывах.

Увечары 9 снежня невядомыя ў масках закідалі падпаленымі прадметамі сінагогу ў цэнтры Гётэборгу. У сінагозе ў той момант знаходзіліся каля 20 чалавек. Дзякуючы дажджу агонь, які ўспыхнуў у сінагогі, не вырабіў шкоды будынку. Абышлося без пацярпелых, паведамляе DW.

Прэм’ер-міністр Швецыі Стэфан Лёвен і ўрад краіны асудзілі напад. Паліцыя ўзмацніла ахову сінагогі.

Прадстаўнік габрэйскай абшчыны Гётэборгу Алан Стуцынскі звязаў напад з нядаўняй заявай прэзідэнта ЗША Дональда Трампа аб прызнанні Ерусаліма сталіцай Ізраіля. Паводле яго, “такія здарэнні заўсёды вядуць да павелічэння небяспекі”.

Пасля прызнання Трампам Ерусаліма сталіцай Ізраіля ў шэрагу гарадоў Швецыі прайшлі пратэсты. У асноўным яны абышліся без сутыкненняў з паліцыяй. У Стакгольме дэманстранты падпалілі ізраільскі сцяг, а ў Мальмё выкрыквалі антыізраільскі лозунгі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
10.12.2017 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты