Недалёка ад Таймс-сквер у Нью-Ёрку смяротнік учыніў самападрыў

_99164361_72614b83-2bf5-4e30-af79-ef13811a0540

Недалёка ад Таймс-сквер на аўтобусным тэрмінале партовай управы Нью-Ёрка раніцай 11 снежня смяротнік прывёў у дзеянне самаробную бомбу. Ён сам і яшчэ тры чалавекі атрымалі лёгкія траўмы. Мэр Нью-Ёрка Біл Дэ Блазіё назваў здарэнне тэрактам, падкрэсліўшы, што нападнік не дабіўся сваёй мэты.

Падазраваны затрыманы. Гэта 27-гадовы імігрант з Бангладэш Акаед Ула, які жыве ў Брукліне. Ён дастаўлены ў бальніцу Бельвю у ніжняй частцы Манхэтэна, перадае BBC.

Выбуховае прыстасаванне было прымацавана да адзення зламысніка пры дапамозе ліпучкі; ён прывёў яго ў дзеянне наўмысна.

Усе суседнія станцыі метро былі неадкладна закрытыя. Вуліцы паблізу аўтавакзала таксама былі перакрытыя. Аўтавакзал быў эвакуіраваны.

«Мы не дазволім ім парушыць хаду нашага жыцця, гэта як раз тое, чаго яны хочуць», — заявіў губернатар штата Нью-Ёрк Эндру Куомк, паабяцаўшы аднавіць нармальную працу нью-ёркскага транспарту ў бліжэйшы час.

Гэта не першы напад ў Нью-Ёрку за апошнія некалькі тыдняў. У кастрычніку 29-гадовы імігрант з Узбекістана Сайфуло Саіпаў збіў на аўтафургоне некалькі дзясяткаў людзей у ніжнім Манхэтэне. Восем з іх загінулі, 11 атрымалі сур’ёзныя траўмы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар МТС: +37529 566 45 53. Па магчымых пытаннях звяртайцеся на krynica.editor@gmail.com
11.12.2017 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты