Віцебскі святар асвяціў крыжы ў мемарыяле пад Хайсамі

Барок
У “расстрэльным” Вераб’ёвым лесе пад Хайсамі ў Віцебскім раёне 9 сьнежня былі асвечаныя крыжы, усталяваныя ў памяць ахвяраў расстрэлаў, якія адбываліся на гэтым месцы ў 1937-1941 гадах па загадах НКАУС. Крыжы асвяціў пробашч віцебскай парафіі святога Антонія кс. Вячаслаў Барок.

Удзельнікі асьвячэньня ўсклалі да падножжа крыжоў кветкі і запалілі сьвечкі. Зьвяртаючыся да Ўсемагутнага, кс. Вячаслаў прасіў блаславіць крыжы, узведзеныя на месцы злачынстваў чырвонага тэрору: “І няхай нашая вера ў валадарства Божае садзейнічае таму, каб наш свет адбудоўваўся да лепшага, каб будаваўся ён на падмурках праўды і справядлівасці. Дазволь кожнаму, хто прыняў несправядлівую смерць і хто пахаваны ў гэтым лесе, дачакацца хвалебнага ўваскрашэння”, паведамляе “Віцебская вясна”.

Вераб’ёвы лес пад Хайсамі называюць “віцебскімі Курапатамі”. Першыя крыжы паўсталі тут яшчэ ў 2014-м. Цяпер іх у “расстрэльным” лесе 34. Апошні вялікі крыж быў пастаўлены на ўскрайку лесу, яго добра відаць з трасы “Віцебск — Гарадок”.

Віцебскі актывіст і стваральнік грамадзкай ініцыятывы “Хайсы” Ян Дзяржаўцаў апавядае, што за тры гады сабраў сведчанні аб растрэлах 32-ух мясцовых жыхароў.

“Зробленая вялікая справа, бо я больш 20 гадоў займаюся ўпарадкаваньнем Курапатаў і ведаю, што гэта такое. І дзякуй, што тут ёсьць такі чалавек, як Ян Дзяржаўцаў. Што ён узяў на сябе гэтую адказнасць і нясе гэты крыж змагання за “віцебскія Курапаты”, – кажа адказны сакратар Кансэрватыўна-Хрысьціянскай партыі БНФ і старшыня камісіі Сойма па Курапатах і Чарнобылю Алесь Чахольскі.

Сёння месцам растрэлаў цікавяцца выключна “чорныя капальнікі”. У 2015 годзе ў лесе працаваў 52-і пошукавы батальён, пасля працы якога засталіся чалавечыя парэшткі па ўсім лесе. Актывісты пахавалі іх у трунах каля трох вялікіх крыжоў, усталяваных у верасьні 2017 году. У выніку ў сьнежні на Яна Дзяржаўцава, на падставе заявы старшыні Мазалаўскага сельсавета, быў складзены пратакол паводле артыкулу 23.43 КаАП (“Парушэньне заканадаўства аб пахаваньні”).  Суд над актывістам адбудзецца 12 снежня ў Віцебску.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар МТС: +37529 566 45 53. Па магчымых пытаннях звяртайцеся на krynica.editor@gmail.com
11.12.2017 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты