Мітрапаліт Кандрусевіч хацеў бы стварыць незалежную раду канфесій Беларусі

Кандрусевіч1

У 2018 годзе ўжо традыцыйная малітва аб еднасці хрысціянаў з удзелам прадстаўнікоў розных хрысціянcкіх канфесій пройдзе ў Мінску 20 студзеня. Пра гэта на прэс-канферэнцыі 19 снежня заявіў мітрапаліт Мінска-Магілёўскі арцыбіскуп Тадэвуш Кандрусевіч.

“Гэта вельмі важная справа, калі трэба пільнаваць еднасць. Неабходная еднасць у барацьбе за хрысціянскія каштоўнасці і супольна распаўсюджваць хрысціянскае пасланне, каб адказваць на выклікі секулярызаванага свету”, – адзначыў ён.

На ўдакладняючае пытанне карэспандэнта Krynica.info, як арцыбіскуп ставіцца да магчымага стварэння па прыкладзе Украіны Рады канфесій, каб іх голас гучаў больш гучна, ён паведаміў, што ў 1993 годзе падчас свайго служэння ў Расіі быў сярод заснавальнікаў падобнага Хрысціянскага міжканфесійнага кансультатыўнага камітэту і нават займаў пасаду яго сустаршыні разам з будучым праваслаўным Патрыярхам Кірылам.

«Важна, каб усе прысутнічалі, выказвалі свае думкі. Існуюць жа розныя праблемы. Памятаем, як у мінулым годзе міністэрства аховы здароўя спрабавала змяніць этычныя нормы, якія б забаранялі лекарам насіць крыжыкі. Мы тады з мітрапалітам Паўлам разам выказаліся і сітуацыя вырашылася, але было б добра, каб усе разам былі», – дадаў Тадэвуш Кандрусевіч, адзначыўшы важнасць наяўнасці і агульнахрысціянскага перакладу Бібліі, а не толькі канфесійных.

«Я за тое, каб такая рада існавала. У нас ёсць кансультатыўны савет пры апараце ўпаўнаважанага, але хацелася б, каб самі яе заснавалі, без удзелу дзяржавы», – падкрэсліў каталіцкі іерарх.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
19.12.2017 Беларусь| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты