У Віцебску прайшоў дыяцэзіяльны конкурс моладзевых батлеек

Батлейка
У Віцебску 4 студзеня адбыўся конкурс батлееек каталіцкай Віцебскай дыяцэзіі. Конкурс прайшоў у межах Дзён хрысціянскай культуры Віцебскай дыяцэзіі пры ўдзеле дзяцей і моладзі з 11-і парафіяў.

Канцлер курыі Віцебскай дыяцэзіі кс. Віктар Місевіч, які вёў конкурс, прадставіў журы, у якое ўвайшлі  арганістка парафіі Святога Духа Таццяна Дарафеева, загадчык  літаратурна-драматычнай часткі тэатра імя Якуба Коласа Алесь Замкоўскі,  кіраўнік клуба гістарычнай рэканструкцыі «Паўночная Вежа» Крысціна Бандарова, мадэратар курыі Віцебскай дыяцэзіі а. Кляменцiй Верт SJ, паведамляе catholicnews.by.

Напачатку конкурса да ўсіх прысутных звярнуўся біскуп Віцебскай дыяцэзіі Алег Буткевіч. Пасля па чарзе выступілі дзеці з пяці парафіяў Віцебска, з Докшыцаў, Наваполацка, Параф’янава, Відзаў, Дуброўна, Браслава.

Кожная група атрымала дыплом у асобнай намінацыі за сваю арыгінальнасць і артыстызм. Трэцяе месца раздзялілі дзеці з Наваполацка і парафіі Езуса Міласэрнага ў Віцебску, другое месца атрымаў Браслаў, першае – артысты з Докшыцаў і віцебскай парафіі святога Антонія.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
05.01.2018 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты