У Аўстрыі сотні мусульман сталі хрысціянамі

ВенаУ Аўстрыі значная колькасць мусульман прыняла хрысціянства. 75% з 750 ахрышчаных у 2017 годзе ў каталіцтва паўналетніх складаюць выхадцы з мусульманскіх краін, паведамляеDeutsche Welle са спасылкай на афіцыйнага прадстаўніка архідыяцэзіі Вены. Толькі ў сталіцы краіны прайшлі абрад хрысціліся 260 чалавек, якія прадстаўляюць 15 розных нацый.

Як адзначыла Фрэдэрыке Досталь, якая адказвае ў архідыяцэзіі за хрост дарослых, прычынай пераходу ў каталіцтва не з’яўляецца жаданне павялічыць шанцы на атрыманне прытулку. Паводле яе, не жадаючы атрымліваць псеўдахрысціян, Каталіцкі Касцёл у Аўстрыі вельмі строга падыходзіць да адбору кандыдатаў і дазволу на хрост. Падрыхтоўка да хросту доўжыцца год і ўключае рэгулярнае наведванне рэлігійных заняткаў і імшаў, прытрымліванне хрысціянскіх нормаў жыцця і ўдзел у дабрачыннасці.

Колькасць чалавек, якія перайшлі ў іншыя хрысціянскія канфесіі, не паведамляецца.

У 2016 годзе Аўстрыя прыняла 39 860 мігрантаў. Большую частку з іх склалі афганцы, а таксама сірыйцы і іракцы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
13.01.2018 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты