Экуменічныя малітвы за адзінства хрысціянаў пройдуць у чатырох гарадах Беларусі

экуменічная малітва 33

Ініцыяваныя Каталіцкім Касцёлам малітвы за адзінства хрысціянаў пройдуць з 20 па 25 студзеня ў розных гарадах Беларусі. Гэтак, у Мінску малітвы адбудуцца 20 студзеня а 19:15 у архікатэдральным касцёле Імя Найсвяцейшай Панны Марыі, а таксама ў парафіі Маці Божай Будслаўскай – 20 студзеня а 10:00 (з грэка-каталіцкім святаром) і 21 студзеня а 10:00 (з праваслаўным святаром) і а 12:00 (з пратэстанцкім пастарам).

У Магілёве ў катэдральнай парафія Унебаўзяцця Найсвяцейшай Панны Марыі і святога Станіслава экуменічную малітву з прадстаўнікамі хрысціянскіх канфесій узначаліць дапаможны біскуп Мінска-Магілёўскай архідыяцэзіі Аляксандр Яшэўскі SDB. Яе пачатак 25 студзеня а 19:00, паведамляе Catholic.by.

У Гродне ў катэдральнай парафіі святога Францішка Ксаверыя аналагічную малітву 20 студзеня а 18:00 узначаліць біскуп Гродзенскі Аляксандр Кашкевіч.

А ў Пінску 23 студзеня а 18:30 у парафіі Унебаўзяцця Найсвяцейшай Панны Марыі Імшу за адзінства хрысціянаў будзе цэлебраваць біскуп Пінскі Антоні Дзям’янка.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
16.01.2018 Грамадства| Тэгі: , , , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты