Паездка на зняцце псуты завяршылася аварыяй: сямёра пацярпелых

maxresdefault_72

Жыхары Магілёва патрапілі ў аварыю па дарозе на зняцце псуты. ДТЗ адбылося 18 студзеня а 10:35 каля вёскі Купелка ў Аршанскім раёне на 147-м кіламетры трасы Віцебск — Гомель — мяжа Украіны.

Мікрааўтобус Volkswagen з Магілёва пры абгоне занесла на сустрэчную паласу, дзе ён сутыкнуўся з легкавіком Mitsubishi, якім кіраваў жыхар Чашнікаў, перадае БелТА.

На момант аварыі ў мікрааўтобусе было пяць чалавек — сям’я, якая ехала на зняцце псуты, і двое выпадковых спадарожнікаў, у легкавушцы — чатыры. Траўмы атрымалі сямёра з іх.

Кіроўца мікрааўтобуса 1962 года нараджэння ў 2017 годзе не аднойчы прыцягваўся да адміністрацыйнай адказнасці за перавышэнне хуткасці.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі