У Беларусі створаная міжканфесійная перакладчыцкая камісія

экуменічная малітва 42

Міжканфесійная перакладчыцкая камісія створаная пры Біблійным таварыстве ў Беларусі. Пра гэта распавёў 20 студзеня ў мінскай каталіцкай архікатэдры выканаўчы дырэктар Біблейскага Таварыства ў Беларусі Ігар Міхайлаў, выступаючы з прамовай падчас экуменічнай малітвы за адзінства хрысціянаў.

Паводле яго, у склад камісіі ўвойдуць прадстаўнікі Каталіцкага Касцёла (рыма- і грэка-католікі), Праваслаўнай Царквы і Пратэстанцкіх Цэркваў (адвентысты, баптысты і пяцідзясятнікі), якім будуць дапамагаць лінгвісты, філолагі, гісторыкі і біблеісты, паведамляе Catholic.by.

«На апошнім пасяджэнні праўлення Біблейскага таварыства яна (ідэя стварэння такой камісіі – рэд.) была сфармавана. На сёння згоду на ўдзел у працы камісіі ўжо далі прадстаўнікі католікаў і баптыстаў», – адзначыў Ігар Міхайлаў.

Пакуль камісія яшчэ не пачала працаваць, але ўжо паставіла сабе за мэту арганізаваць дыялог розных канфесій і зрабіць сумесны пераклад Бібліі. «У кожнай з канфесій ужо ёсць „свае“ пераклады Новага Запавету, але тэрміналогія часта адрозніваецца. Міжканфесійная камісія будзе рабіць пераклад са старажытнаяўрэйскай мовы і параўноўваць яго з септуагінтай. Я спадзяюся, што праз дыялог мы здолеем перакласці ўсю Біблію разам.  Калі ж не, то мы створым хаця б каркас, які кожная канфесія зможа выкарыстаць, „уставіўшы“ ў яго сваю тэрміналогію», — заключыў Ігар Міхайлаў.

Біблейскае таварыства ў Рэспубліцы Беларусь — міжканфесійнае хрысціянскае рэлігійнае брацтва, створанае ў студзені 1992 года. Яго заснавальнікамі з’яўляюцца вернікі Праваслаўнай, Рымска- і Грэка-Каталіцкай Цэркваў, евангельскіх хрысціян-баптыстаў, хрысціян веры Евангельскай, адвентыстаў Сёмага дня.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
21.01.2018 Грамадства| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты