Мітрапаліт Кандрусевіч асвяціў у Вішневе абраз благаслаўлёнага арцыбіскупа Матулевіча

Матулевич
Мітрапаліт Мінска-Магілёўскі арцыбіскуп Тадэвуш Кандрусевіч 27 студзеня, у літургічны ўспамін благаслаўлёнага арцыбіскупа Юрыя Матулевіча, заснавальніка беларускага кляштара марыянаў у Друі, наведаў мястэчка Вішнева блізу Валожына.

Падчас святой Імшу ў парафіі Адведзінаў Найсвяцейшай Панны Марыі мітрапаліт Кандрусевіч благаславіў абраз з выявай арцыбіскупа Матулевіча, паведамляе catholic.by.

Арцыбіскуп падзякаваў пробашчу парафіі і вернікам за клопат аб аднаўленні гістарычнай святыні, у тым ліку, – за з’яўленне новага абраза.

У гаміліі іерарх нагадаў вернікам біяграфію благаслаўлёнага арцыбіскупа, які нарадзіўся ў 1871 годзе у Заходняй Літве недалёка ад Марыямпаля, працаваў у Варшаве, выкладаў у Санкт-Пецярбургскай духоўнай акадэміі, у 1909 годзе ўступіў у манаскі ордэн марыянаў, які перажываў крызіс, з 1911 года да смерці выконваў функцыі яго генерала.

Дэвізам біскупскага служэння Юрыя Матулевіча былі словы «Зло перамагай дабром». Для сябе ён прасіў у Бога ласкі быць анучкай, якой сціраецца пыл на алтары, і спаліцца ў служэнні Касцёлу, як спальваецца свечка на алтары.

У Вішневе доўгі час служыў яшчэ адзін выбітны марыянін – кс. Уладзіслаў Чарняўскі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі