Прэс-сакратар БПЦ: Словы Мітрапаліта Паўла пра “Іншага Бога” – метафара

Лепін
Прэс-сакратар Беларускай Праваслаўнай Царквы айцец Сяргей Лепін пракаментаваў рэзананснае выказванне Мітрапаліта Мінскага і Заслаўскага Паўла, Патрыяршага Экзарха ўсяе Беларусі, аб тым, што Бог у грэка-каталікоў (якія належаць да Каталіцкай царквы) і праваслаўных – іншы.

«Іншы бог» – гэта была метафара, якую кіраўнік Беларускай Праваслаўнай Царквы ўжыў, маючы на мэце абараніць праваслаўных, якія ходзяць у касцёл, ад падазрэнняў ва «уніятызме», – кажа протаіерэй Сяргій Лепін, паведамляе Белсат.

«Канешне, Бог – адзін, і ні ў кога няма свайго ўласнага, асабістага кішэннага «бога»: ні ў праваслаўных, ні ў каталікоў, ні ў каго-небудзь яшчэ. Само пытанне, якое было заданае ўладыку Экзарху, задавалася і яму, і мне неаднойчы і нярэдка змяшчала непрыхаванае абурэнне і рыгарыстычнае падазрэнне ў «таемнай уніі», – тлумачыць а. Лепін.

Прэс-сакратар БПЦ удакладняе, што мітрапаліт Павел не казаў пра канкрэтную рэлігійную супольнасць, напрыклад, грэка-каталіцкую: «Непасрэдна пра грэка-католікаў размова не ішла, была размова не пра пэўную рэлігійную групу, а хутчэй, пра дух уніятызму», тлумачачы, што пад палітыкай уніятызму маецца на ўвазе перавод парафіі ці супольнасці вернікаў у іншую Царкву шляхам яе адрыва ад уласнай Царквы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар МТС: +37529 566 45 53. Па магчымых пытаннях звяртайцеся на krynica.editor@gmail.com
01.02.2018 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты