Сергей Луканін просіць дазволіць яму чытаць услых Біблію ў Мінску

bible (3)

Беларускі юрыст і хрысціянскі прапаведнік Сяргей Луканін звярнуўся 20 сакавіка ў Мінгарвыканкам з лістом, у якім просіць дазволіць яму правядзенне мерапрыемства ў выглядзе чытання Бібліі услых з мэтай распаўсюджвання хрысціянскіх рэлігійных перакананняў. Мерапрыемства запланаванае на 8 красавіка ў парку Горкага. Пра гэта ён паведаміў на сваёй старонцы ў Facebook.

У звароце прапаведнік адзначыў, што з 2007 года выказвае і распаўсюджвае свае рэлігійныя перакананні на вуліцах Мінска праз чытанне ўслых Бібліі.

“Больш за 40 разоў затрымліваўся міліцыяй за “несанкцыянаваныя масавыя мерапрыемствы”, але часцей за ўсё мяне адпускалі, так як мне ўдавалася пераканаць прадстаўнікоў улады ў тым, што я не парушаю Асноўны Закон нашай краіны – Канстытуцыю, 31 артыкул якой абвяшчае: «Кожны мае права … выказваць і распаўсюджваць перакананні, звязаныя з адносінамі да рэлігіі», а таксама арт. 5 Закона Рэспублікі Беларусь “Аб свабодзе сумлення і рэлігійных арганізацыях», якая абвяшчае: «Кожны мае права свабодна … выказваць і распаўсюджваць рэлігійныя перакананні і дзейнічаць у адпаведнасці з імі”, – заявіў ён.

Аднойчы Сяргей Луканін быў арыштаваны і змешчаны ў адзіночную камеру на суткі, пасля чаго быў прызнаны вінаватым у адміністрацыйным правапарушэнні за тое, што «чытаў Біблію, заклікаў да пакаяння і жыцця без граху, чым парушыў … ».

“Я працягваю чытаць Біблію ўслых на вуліцах Мінска, так як гэта маё прызначэнне ад Госпада. Веру, што кожны хрысціянін павінен у меру сваіх сіл дзяліцца Эвангеллем з кожным чалавекам, пра што сказана ў Бібліі. На жаль, міліцыя працягвае мяне затрымліваць (апошні раз я быў затрыманы 11 сакавіка 2018 году), і я ў чарговы раз вырашыў звярнуцца ў Мінгарвыканкам з просьбай дазволіць мне займацца тым, што дазволена Госпадам, Канстытуцыяй Беларусі і профільным законам”, – паведаміў прапаведнік.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
20.03.2018 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты