У Віцебску каталіцкі Пасхальны Трыдуум адбыўся ў дарэформеннай форме

2018-barbara-sabbato-sancto-9

На мінулым тыдні ў віцебскім касцёле святой Барбары адбыўся Святы Пасхальны Трыдуум у надзвычайнай форме рымскага абраду. Набажэнствы Вялікага чацвярга, Вялікай пятніцы і Вялікай суботы цэлебраваў пробашч парафіі Найсвяцейшай Тройцы ў Сянно а. Міхал Ермашкевіч ОР.

Сваю першую Імшу паводле дарэформеннага абраду віцебская супольнасць прыхільнікаў традыцыйнай лацінскай літургіі арганізавала 25 жніўня 2007 года — у той жа год, калі Папа Бенедыкт XVI апостальскім пасланнем Summorum Pontificum дазволіў святарам па сваім жаданні выбіраць форму цэлебрацыі Імшы, а пры наяўнасці жадаючых вернікаў таксама здзяйсняць цэлебрацыі ў старой форме публічна, паведамляе Te igitur.

У выпадку ж Святога Пасхальнага Трыдуума існуюць дадатковыя складанасці, бо пры цэлебрацыі абедзвюх форм у адным касцёле ў чацвер, пятніцу і суботу прыходзіцца дубляваць набажэнствы. Таму першы Трыдуум у надзвычайнай форме ў Віцебску адбыўся толькі ў 2012 годзе, пасля таго, як інструкцыя Universae Ecclesiae ўдакладніла, што такое дубляванне можа мець месца.

На сённяшні дзень касцёл святой Барбары ў Віцебску застаецца адзіным месцам у дыяцэзіі, дзе вернікі могуць браць удзел у традыцыйнай лацінскай Імшы. Айцы-дамініканцы служаць яе штонядзелі ў 15:00.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.04.2018 Абвесткі, Навіны цэркваў| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты