Сяргею Луканіну забаранілі чытаць Біблію ўслых у парку

bible (7)

Мінгарвыканкам не дазволіў юрысту і прапаведніку Сяргею Луканіну чытаць Біблію ўслых у парку імя Максім Горкага ў Мінску 8 красавіка а 15:00. Фотаздымак адказу на зварот і сваю рэакцыю на яго ён прывёў на сваёй старонцы ў Facebook.

Прычыну адмовы ўлады аргументавалі тым, што “права ажыццяўляць рэлігійную дзейнасць на тэрыторыі Рэспублікі Беларусь прадстаўляецца рэлігійным арганізацыям, уключаным у Дзяржаўны рэестр рэлігійных арганізацый”, а “набажэнствы, рэлігійныя абрады, рытуалы і цырымоніі бесперашкодна праводзяцца ў культавых будынках, збудаваннях і на адносных да іх, у іншых месцах, прадстаўленых рэлігійным арганізацыям для гэтых мэтаў, у месцах паломніцтва, на могілках і ў крэматорыях”.

«У сувязі з гэтым прыходзяць вось такія думкі. Я хрысціянін. У мяне ёсць пакліканне ад Бога – гаварыць пра Хрыста. Я жыву ў хрысціянскай краіне, дзе Канстытуцыя абвяшчае: «Кожны мае права … выказваць і распаўсюджваць перакананні, звязаныя з адносінамі да рэлігіі» (арт. 31), у маёй краіне ёсць Закон “Аб свабодзе сумлення», які гаворыць: «Кожны мае права свабодна … выказваць і распаўсюджваць рэлігійныя перакананні і дзейнічаць у адпаведнасці з імі» (арт. 5). Для таго, каб распаўсюдзіць свае рэлігійныя перакананні, трэба каму-небудзь што-небудзь сказаць услых. Калі я хрысціянін, то лепшае, што я магу зрабіць, каб у дакладнасці перадаць сутнасць хрысціянства – гэта прачытаць пра гэта каму-небудзь з першакрыніцы – Бібліі. Аднак, на думку чыноўнікаў Мінгарвыканкама, чытанне Бібліі ўслых – гэта рэлігійная дзейнасць, забароненая для грамадзян! Менавіта на гэтай падставе мне адмовілі ў маёй просьбе. А як жа Канстытуцыя? Закон «Аб свабодзе сумлення»? Я выканаў усё, што патрабаваў закон, але мне ўсё роўна забараняюць чытаць Біблію ўслых. Так што рабіць? Разважаючы пра гэта, успомніў, што Апосталы Хрыста, якім улады забаранялі гаварыць пра Ісуса, адказалі так: «трэба слухацца болей Бога, чым людзей» (Дзеі 5:29). Пасха, 8 красавіка, парк імя Горкага, 15:00. Хрыстос Уваскрос!» – адзначыў Сяргей Луканін.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
06.04.2018 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты