Нягледзячы на забарону, Сяргей Луканін прапаведаваў у Парку Горкага (відэа)

bible (3)

Нягледзячы на забарону з боку Менгарвыканкаму беларускі юрыст і прапаведнік Сяргей Луканін 8 красавіка прапаведаваў ля помніка Максіму Горкаму ў парку імя расейскага пісьменніка.

У сваёй пропаведзі Сяргей Луканін распавёў пра перадгісторыю свята Вялікадня і выхаду габрэяў з рабства ў Егіпце на чале з Майсеем, а затым і прыход Сына Божага Ісуса Хрыста ў свет, каб вызваліць людзей з рабства граху і паслужыць усім, хто пакутваў.

“Але ўвесь свет зараз жыве так, быццам Ісус Хрыстос не памёр за нас. Але гэта не так. Яго святая кроў пралілася. Ісус Хрыстос ёсць сапраўдная Пасха”, – адзначыў Сяргей Луканін.

Каб рабства граху больш не панавала над намі, ён заклікаў усіх прызнаць Ісуса Хрыста сваім Госпадам і Збаўцам, папрасіць у Яго прабачэння за свае грахі. “І я веру, што ў той самы момант вашае жыццё зменіцца”, – адзначыў прапаведнік. Таксама Сяргей Луканін заклікаў людзей падыходзіць, каб ён мог памаліцца за іх.

Пропаведзь прайшла амаль без эксцэсаў. Толькі адзін чалавек са словамі “Чё орешь?” падыйшоў да Сяргей Луканіна і спрабаваў упэўніць яго ў бессэнсоўнасці падзеі, а таксама заклікаў “не палітызаваць”. Але яго адвялі ў бок іншыя людзі.

Відэа Змітра Дашкевіча

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
08.04.2018 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты