“Бог жыве”: у Мінску прайшоў міжхрысціянскі музычны фэст (фота)

У Мінску ў гатэлі “Манастырскі” 15 красавіка з нагоды велікодных святаў і трохгоддзя няспыннай малітвы за Беларусь адбыўся міжхрысціянскі музычны фэст “Бог жыве”, які сабраў больш за 100 слухачоў і ўдзельнікаў – вернікаў каталіцкай, праваслаўнай і евангельскіх канфесій.

Распачаўся фэст з малітвы “Ойча наш”. Затым перад слухачамі выступілі Віктар Козел з гурта “Тэзаўрус”, Зміцер Цярэнцьеў, гурты “Зоркі забылі зьзяць” і “Рыбы”. Завяршыўся канцэрт супольным выкананнем беларускага рэлігійнага гімну “Магутны Божа”.

Як адзначыла адна з арганізатарак мерапрыемства Вольга Севярынец, фэст плануецца зрабіць штогадовым. А вялікая колькасць гасцей падказвае, што пляцоўку для наступных канцэртаў варта пашыраць.

Фота Надзеі Гацак

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар МТС: +37529 566 45 53. Па магчымых пытаннях звяртайцеся на krynica.editor@gmail.com




Блогі