Парашэнка просіць Канстанцінопальскага Патрыярха надаць аўтакефалію

ArticleImages_70831_180417_poroshenko

Прэзідэнт Украіны Пятро Парашэнка 17 красавіка сустрэўся са старшынямі ўсіх фракцый Вярхоўнай Рады для абмеркавання царкоўна-дзяржаўнага пытання. Ён заявіў, што ён прыняў рашэнне прасіць Сусветнага Патрыярха Варфаламея аб наданні томасу аб аўтакефаліі Украінскай Праваслаўнай Царкве.

Прэзідэнт папрасіў, каб яго просьбу падтрымалі і парламентарыі, і ўкраінскі народ. “Адпаведны зварот павінна зацвердзіць Вярхоўная Рада Украіны”, – падкрэсліў Парашэнка, паведамляе risu.org.ua.

Прэзідэнт адзначыў, што зварот ад свайго імя ён ужо перадаў Ўсяленскаму Патрыярху і спадзяецца, што на бліжэйшым Саборы Канстанцінопаль прыме станоўчае рашэнне па ўкраінскім пытанні. «Веру, гэтае рашэнне будзе прынята да 1030-годдзя святкавання Хрышчэння Русі-Украіны (28 ліпеня 2018 году – Krynica.info)», – заявіў ён.

Пятро Парашэнка таксама паведаміў, што ўвесь епіскапат Кіеўскага Патрыярхату падпісаўся пад аналагічным зваротам да Патрыярха Варфаламея. Гэтую ідэю падтрымалі прадстаўнікі і іншых Цэркваў.

«У мяне адбылася сустрэча з Мітрапалітам УАПЦ Макарыем і мяне праінфармавалі, што Архіерэйскі Сабор УАПЦ сёння таксама падтрымаў зварот да Ўсяленскага Патрыярха і прэзідэнта», – заявіў ён.

Прэзідэнт таксама адзначыў, што стварэнне ва Украіне новай адзінай Памеснай Праваслаўнай Царквы – гэта гістарычная падзея ў жыцці незалежнай дзяржавы Украіна.

«Украіна, як незалежная дзяржава, не проста мае права. Яна абавязаная такую ​​Царкву стварыць і прадэманстраваць такое ж адзінства ў гэтым пытанні, як гэта паказалі ўсе Цэрквы», – заявіў Парашэнка.

Ён таксама адзначыў, што Адзіная памесная Праваслаўная Царква не стане дзяржаўнай. Любы чалавек мае права самастойна выбіраць канфесію, якая яму падабаецца.

УПЦ КП падтрымлівае намаганні Прэзідэнта і грамадскасці аб прызнанні ўкраінскай царкоўнай аўтакефаліі і абвяшчэння адпаведнага Томас. Пра гэта гаворыцца ў заяве Кіеўскага Патрыярхату.

«Ва Украінскай Праваслаўнай Царкве Кіеўскага Патрыярхату аднадушна падтрымліваюць усе намаганні, накіраваныя на прызнанне аўтакефаліі Праваслаўнай Царквы ў Украіне Яго Святасцю Усяленскім Патрыярхам Варфаламеем і Канстанцінопальскай Маці-Царквой, а таксама на пераадоленне існуючага царкоўнага падзелу, сцвярджэння адзінай Памеснай Праваслаўнай Царквы», – гаворыцца ў дакуменце .

У УПЦ КП адзначылі, што ўсе іх епіскапы падпісалі зварот да Патрыярха Варфаламея з просьбай надаць томас аб аўтакефаліі Праваслаўнай Царквы ва Ўкраіне. Аналагічную просьбу таксама падпісаў епіскапат Украінскай Аўтакефальнай Праваслаўнай Царквы.

«Мы выказваем надзею, што і сярод епіскапату УПЦ (Маскоўскага Патрыярхату) ёсць адказныя іерархі, якія сапраўды непакояцца пра будучыню Праваслаўя ва Ўкраіне і падтрымаюць намаганні па кананічным прызнанні Усяленскім Патрыярхам украінскай царкоўнай незалежнасці. Таксама мы разлічваем на падтрымку Вярхоўнай Рады Украіны, усяго ўкраінскага грамадства, на разуменне з боку іншых рэлігійных арганізацый Украіны. Наколькі нам вядома, цяпер, як ніколі раней, ёсць усе падставы чакаць станоўчае рашэнне Сусветнага Патрыярха. Аднак відавочна, што праціўнікі не будуць чакаць, склаўшы рукі, і прымаць усе сродкі для таго, каб не дапусціць абвяшчэння томаса аб аўтакефаліі. Таму на дадзены момант мы не можам паведаміць больш дэталяў распачатага працэсу», – адзначылі ў УПЦ КП.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
17.04.2018 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты