У Мінску прайшоў малітоўны дзень руху «Маці ў малітве»

2018-04-23-maci-u-malitve-013

21 красавіка ў каталіцкай капліцы св. Яна Хрысціцеля ў мінскім мікрараёне Серабранка прайшоў малітоўны дзень руху «Маці ў малітве», паведамляе catholic.by. У малiтоўным днi бралі ўдзел групы руху маці з розных мiнскiх парафiй: з Залатой горкi, з Чырвонага касцёла, з Лошыцы, Сухарава, а таксама з Бараўлянаў i Маладзечна.

Сваімі настаўленнямі з удзельніцамі сустрэчы дзяліўся ксендз Аляксандр Мятлцiкі SDB, а арганiзацыйную i малiтоўную падтрымку аказвала сястра Тэрэза Сальнічэк SDB.

Сустрэча распачалася святой Імшой i адарацыяй Найсвяцейшага Сакрамэнту, пасля чаго ўдзельніцы перайшлі ў салезiянскi араторый, дзе за супольным абедам адбылiся сустрэчы сясцёр у малiтве i знаёмства з новымi ўдзельнiцам i руху.

Напрыканцы малiтоўнага дня адбылася канферэнцыя на тэму «Цярпенне i пакуты ў нашым жыцці». Удзельніцы дзялілiся сваiмi перажываннямi, разважалi над Словам Божым, а потым усе разам спявалi.

А ў Шчучыне маладыя кандыдаты да канфірмацыі 21 красавіка наведалі Гродзенскі дыяцэзіяльны Марыйны санктуарый у Тракелях, дзе была адпраўлена Найсвяцейшая Ахвяра перад абразом Панны Марыі, перадае catholicnews.by.

Другім этапам аднадзённых рэкалекцый стала канферэнцыя, якую прамовіў а. Аляксандр Махнач SP у піярскім касцёле ў Лідзе. Святар, між іншым, звярнуў увагу на захаванне абавязку вернасці Хрысту і Яго Касцёлу, які будзе ўскладзены на кожнага кандыдата з моманту прыняцця сакраманту канфірмацыі.

Пасля духоўнай канферэнцыі, удзельнікі пілігрымкі змаглі праявіць свае творчыя здольнасці, працуючы ў групах, адзначаючы для сябе 10 запаведзяў, якімі хочуць жыць з моманту прыняцця сакраманту Духа Святога: кожную нядзелю ўдзельнічаць у св. Імшы; рэгулярна прыступаць да сакраманту споведзі; прымаць як мага часцей св. Камунію; памятаць пра шчырую штодзённую малітву; актыўна ўдзельнічаць у жыцці Касцёла; маліцца на ружанцы; быць гатовым абараніць сваю веру, жыць ёю і заўсёды заставацца верным Хрысту, Яго запаведзям і Касцёлу; імкнуцца да большага пазнання Бога; пацвярджаць сваю веру ўчынкамі; быць прыкладам сапраўднай веры для іншых.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.04.2018 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты