Семінарысты атрымалі адтэрміноўку ад службы ў войску

Брест
Першы чым 28 траўня вайсковаабавязаныя навучэнцы каталіцкіх семінарыяў прызыўнога ўзросту з Гродна і Пінска прыбылі ў ваенкаматы для адпраўкі ў войска, ім паведамілі аб адтэрміноўцы.

«У тэлефоннай размове ішла гаворка аб адтэрміноўцы да лютага 2019 года. Афіцыйнага дакумента мы не атрымалі, але звычайна яго і не высылаюць. Адтэрміноўка на паўгода — звычайная практыка, якая была і раней», — паведаміў часова выконваючы абавязкі прэс-сакратара Канферэнцыі Каталіцкіх Біскупаў у Беларусі кс. Юрый Санько  сайту catholic.by.

Нагадаем, у траўні каталіцкія семінарысты і святары прызыўнога ўзросту пачалі атрымліваць позвы для праходжання тэрміновай вайсковай службы. Пазней стала вядома, што позвы прыйшлі і да праваслаўных семінарыстаў.

Каталіцкія біскупы Беларусі звярнуліся да Прэзідэнта Лукашэнкі з просьбай разгледзець пытанне аб адтэрміноўцы семінарыстам і святарам прызыўнога ўзросту.

Адтэрміноўку праваслаўным семінарыстам пацвердзіў старшыня Сінадальнага інфармацыйнага аддзела Беларускай Праваслаўнай Царквы протаіерэй Сергій Лепін.

Адтэрміноўка рэгулюецца артыкулам 32 Закона Рэспублікі Беларусь «Аб вайсковым абавязку і вайсковай службе».

«Катэгорыі грамадзянаў, да якіх належаць і навучэнцы духоўных вучэбных установаў, атрымліваюць адтэрміноўку ў адпаведнасці з Указам Прэзідэнта», — тлумачыць прэс-сакратар Міністэрства абароны Уладзімір Макараў, дадаючы, што спісы з прозвішчамі тых, хто меў права на адтэрміноўку, былі ўдакладненыя і перададзеныя ў мясцовыя прызыўныя камісіі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
29.05.2018 Грамадства| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты