Праваслаўны святар: калі зняважым магілы ў Курапатах – прыйдуць новыя

roj

«Калі забудземся, зняважым гэтыя магілы — будуць новыя. На месца аднаго дэмана, як вядома з Евангельля, могуць прыйсьці сем мацнейшых», — кажа горадзенскі праваслаўны святар Георгі Рой пра з’яўленне рэстарацыі на месцы масавых расстрэлаў у Курапатах, піша “Радыё Свабода”.

«Мяне цяжка ўражвае нахабнае імкненне зневажаць месца смерці расстраляных у Курапатах. Чаму ж іх так цягне пусціцца ў свістапляску каля таго месца, дзе людзі ўдыхалі апошнія свае глыткі зямнога паветра, дзе бачылі свае апошнія карціны зямной прыроды?! Чаму ж вам так хочацца патаптацца па іхных пакутніцкіх магілах, зганьбіць і зняславіць іх імёны?! Вашы папярэднікі па духу і справе забілі іх. Дык ці ж гэтага мала вам?! Ужо хоць пасля смерці адчапіцеся ад тых жалобных пахаванняў, у якія падалі з куляю ў галаве тыя, хто „няправільна“ думаў ці дзеяў!» — кажа айцец Георгі Рой на просьбу пракамэнтаваць сітуацыю з пратэстамі вакол адкрыцця рэстарана «Поедем поедим».

«Таннымі забаўкамі хочуць сцерці невыносную для іх памяць пра ўчыненае злачынства. Прымітыўная, але дзейсная ідэалогія: што аглядвацца на тыя магілы? Жыццё ідзе далей, налівай ды пі!..»

Георгі Рой удзячны тым, хто разам з сустаршынёй БХД Паўлам Севярынцам выйшаў на абарону Курапатаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
21.06.2018 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты