Мінскі тэалагічны каледж набірае навучэнцаў

колледж
Каталіцкі Мінскі тэалагічны каледж імя св. Яна Хрысціцеля аб’яўляе набор навучэнцаў на 2018/2019 навучальны год. Уступны іспыт адбудзецца 25 жніўня.

Дакументы прымаюцца з 25 чэрвеня да 25 жніўня кожную пятніцу з 10.00 да 13.00 у мітрапалітальнай курыі (г. Мінск, вул. Рэвалюцыйная, 1а). Папярэдні запіс: тэл.: + 375 29 616 08 72; +375 17 258 68 44,  e-mail: collegium@catholic.by. Дакументы падаюцца асабіста, паведамляе catholic.by.

Студэнты каледжа маюць магчымасць атрымаць веды па тэалогіі (дагматычнай, маральнай, пастаральнай), Святым Пісанні, гісторыі Касцёла, кананічным праве, літургіі, патралогіі, рэлігіязнаўстве, сацыяльным вучэнні Касцёла, філасофіі, псіхалогіі, педагогіцы, катэхетыцы, сродках масавай камунікацыі і іншых прадметах згодна з прадпісаннямі Рыма-Каталіцкага Касцёла.

Навучанне ў каледжы працягваецца тры гады (з верасня па чэрвень). Форма навучання – завочная. Заняткі праводзяцца ў 2-ю і 4-ю суботу месяца. Прымаюцца асобы ад 18 гадоў.

Дакументы, неабходныя для паступлення:

* заява (напісаная ўласнаручна);

* біяграфія (напісаная ўласнаручна);

* рэкамендацыйны лiст ад пробашча парафii;

* копiі пасведчанняў аб сакрамэнтах хросту і канфірмацыі;

* копiя атэстата аб агульнай сярэдняй адукацыі або iншыя дакументы аб адукацыi;

* копiя пашпарта (стар. 31-33);

* 3 фотаздымкi (3х4);

* медыцынская даведка;

* анкета (запаўняецца пры падачы дакументаў).

Уступны экзамен:

* экзамен з катэхізіса і агульных ведаў пра Каталіцкі Касцёл;

* кваліфікацыйная размова.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі