Мінгарвыканкам: Кальварыйскія могілкі пераробяць на ўзор Вайсковых

Кальварии
Намеснік старшыні Мінгарвыканкаму Віктар Лапцеў 13 ліпеня на адмысловай прэс-канферэнцыі паведаміў СМІ, што ўсе могілкі сталіцы, у тым ліку, Кальварыйскія, будуць добраўпарадкаваныя на ўзор Вайсковых.

Дэмантаж магільных агароджаў і ўсталяваньне тыповых надмагілляў на Кальварыі можа пачацца ўжо ў наступным годзе, паведамляе “Наша Ніва”.

«На сёння тэрмін распаўсюду паведамленняў пра неабходнасьць добраўпарадкаваць магілу, якія супрацоўнікі Спэцкамбінату пакідаюць ля старых надмагілляў для родных і блізкіх пахаваных, сканчваецца. І працы па добраўпарадкаваньні будуць праводзіцца пачынаючы з наступнага года. Калі гаварыць канкрэтна па працах на Кальварыйскіх могілках, то сёньня такіх плянаў яшчэ няма. Але ў любым выпадку парадак там наведзены будзе», – кажа Лапцеў.

Чыноўнік паведаміў, што ў Мінгарвыканкаме разгледзяць крытычныя заўвагі, якія былі агучаныя пасля пачатку добраўпарадкаваньня Вайсковых могілак: «Безумоўна, пэўны досвед і меркаванні, у тым ліку грамадскія, будуць улічвацца, мы б не хацелі прыцягваць нэгатыў. Мы б хацелі, каб працэс добраўпарадкавання праходзіў спакойна. Але парадак на ўсіх могілках будзе наводзіцца. У тым ліку, і на Кальварыйскіх».

Кальварыйскія могілкі — самы стары нэкропаль у Мінску, тут 30 тысяч пахаванняў (на Вайсковых — каля 8 тысяч). Могілкі з’яўляюцца гісторыка-культурнай каштоўнасцю першай катэгорыі, ахоўваюцца дзяржавай.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.07.2018 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты